FULLY VACCINATED INBOUND TRAVELERS NGA HALIN SA GUHA SANG WESTERN VISAYAS, PWEDE NA MAKAPAULI SA CAPIZ APISAR WALA SANG RT-PCR TEST RESULT!

Roxas City, Capiz – Ginapahanugotan na nga makapauli pabalik sa Capiz ang mga fully vaccinated nga indibidwal apisar nga wala sang RT-PCR test result.
Ini ang ginpahayag ni PDRRM Officer Judy Grace Pelaez sa interview sang RMN Roxas.
Ini ang nakapagkit sa Executive Order No. 26 nga ginpapanaug kag pirmado ni Capiz Governor Nonoy Evan Contreras may kaangtanan sa pagsulondan sa probinsiya sang Capiz matapos nga ginpaidalom na sa General Community Quarantine(GCQ) ang probinsya epektibo Oktubre 19 tubtob Oktubre 31, 2021.
Suno kay Pelaez, kinahanglan lamang nga mag-presentar sang certified copy sang vaccination card kag Spass ang isa ka indibidwal halin sa guha sang rehiyon sais nga magapauli sa probinsya.
Suno pa diri, kun indi pa sang bakunado ang magasulod sa Capiz nagakinahanglan sa gihapon sang Negative RT-PCR kag Spass.
📷 – Capiz Kabalaka Information Center FB Page

Facebook Comments