Galvez, humingi ng paumanhin sa mga LGU na kakaunti lamang ang natatangap na vaccine supply

Humingi ng paumanhin si Vaccine Czar Carlito Galvez, Jr. sa mga Local Government Unit (LGU) na kaunti lang ang natanggap na COVID-19 vaccine.

Ito ay matapos idaing ni Cagayan de Oro 2nd District Rep. Rufus Rodriguez ang kakulangan ng bakuna sa ilang lugar na may mataas na COVID-19 cases, kasama na ang kanilang lungsod.

Ayon kay Galvez, dadagdagan nila ang bakunang ipadadala sa mga lugar na tumataas ang kaso ng COVID-19, kabilang ang ilang lugar sa Mindanao.


Aniya, sa higit 12.7 milyong COVID-19 vaccine doses na dumating sa Pilipinas, nasa halos 2 milyon o higit 15% ang napunta sa Mindanao hanggang noong Martes, June 15.

Sa huling tala ng National Task Force Against COVID-19, umabot na sa 1.8 milyon ang nakatanggap ng ikalawang dose ng bakuna habang higit 5 milyon ang naturukan ng unang dose.

Facebook Comments