Gamit sa gira, armas, pagkaun iya sa NPA narekober sa militar

45

Daghan mga gamit panggyera, paagkaon ug mga tambal nga iya sa rebelding New Peoples’ Army (NPA) ubos sa Guerilla Front 14, North Eastern Mindanao Regional Committee ang nakubkuban sa 75th IB Phil. Army.
Sa pagpangulo ni Lt. Colonel Jaime Datuin, commanding officer sa 75th IB Philippine Army, nadiskobrehan sa tropa ang cache sa NPA didto sa tri-boundary sa sitios, Sta. Monica, Kiaksan ug San Isidro sa brgy. Bunawan Brook, Bunawan, Agusan del Sur bandang alas 2 ang takna sa hapon.
Nakubkuban sa military ang 1 ka M14 rifle, usa ka AK47, 6 ka Improvised Explosive Devices (IED), 17 ka mga klase-klaseng magazine, 159 ka mga bala sa nagkadaiyang kalibre sa armas, usa ka rifle grenade, 315 ka super dyne explosives, 6 ka blasting caps, 3 ka handheld radio batteries, 450 meters nga electrical wire, usa ka Yamada generator set, 1 ka Acer multi-media projector, 28 ka gallon nga bugas, unipormi sa sundalo, sweatshirts nga adunay marka nga BHB, kalo sa NPA, back packs, medical supplies, dental supplies, mga tambal, libro sa CPP-NPA ug uban pang mga gamit sa propaganda.
Gikatahung nadiskobrehan sa mga sundalo ang cache base sa tahu usab sa mga sibilyan nga atua sa lugar.
Sa karon subsub pa ang operasyon sa kasundaluhan batok sa rebelding New Peoples’ Army (NPA).

www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments