BACOLOD CITY – Nagpadulong sa Police Station 1 ang isa ka babayi matapos nabiktima sang pickpocket may mga las 10:20 kahapon sang aga sa Brgy. 39, Bacolod City.
Ang biktima ginkilala kay Joelinda Famoso, 56 anyos, single kag pumuluyo sang Brgy. Binubuhan, Bago City.
Suno sa biktima nga ini siya ang nagsakay sa jeep nga may biyahe Alijis-Central Market kag sang ini ang nagpanaug na sa isa ka gasolinahan sa corner Lizares-Araneta Street didto kag iya nadiskubrehan nga bukas na ang iya bag kag wala na ang iya wallet kag cellphone.
Kalakip sa nadula sa biktima amo ang isa ka Myphone nga cellphone nga nagabalor P900 pesos, wallet nga may unod P5,100 pesos kag importante nga mga IDs./dyHB BACOLOD
Facebook Comments
