Gasolihang gika-ingong gipang-iyahan sa founder sa KAPA, gilabayan ug granada

34

*General Santos City— Padayon karon ang ginahimong imbestigasyon sa kapuilisan human gilabayan ug granada ang usa ka gasolinahan nga gika-ingong gipanag-iyahan sa magti-ayong Reyna ug Joel Apolinario nga founder sa Kapa Community Ministry International, Inc.*

*Subay sa pamahayag ni Police Captain Robert Fores, hepe sa police station 8 ning dakbayan sa Gensan nga alas 10 pasado ang takna sa gabii dihang gilabayan ug granada ang Jorey Gasoline Station nga nahimutang sa Prk. 3, Brgy. Katangawan ning dakbayan sa Gensan.*


*Nakuhaan pa ug Cctv Footage ang maong insidente kung asa sakay sa usa ka motorisklo ang duha ka mga lalaki nga suspek ug paspas nga misibat human ang pagpanglabay sa granada.*

*Dugang pagbutyag sa kapulisan nga posibleng pagpanghadlok ang motibo sa maong paglabay ug granada gumikan gitunong sa mga suspek nga walay tao sa maong establishemento dihang gihimo ang krimen.*

*Sa karon, ginasuta pa sa otoridad kung adunay nadawat nga mga bahad ang tagdumala sa maong gasolinahan aron nga masayran kung si kinsa ang posibleng nagpaluyo niini.*

Facebook Comments

From Advertisers