Molave, Zamboanga del Sur – Gitulis sa wala mailing mga suspek ang usa ka gasoline station sa lungsod sa molave diin nakuhaan kini og kapin P15 mil.
Ang gitulis mao ang gasoline Station nga nahimutang sa Rizal Avenue, Brgy. Madasigon,Molave, Zamboanga del Sur.
Base gihimong imbestigasyon sa PNP Molave ang upat katulisan nagsakay sa duha ka motorsiklo ug nagpagasolina. Apan wala kini mobiya ug nagpaabot lang sa higayon nga momingaw.
Dihang nakakita sa higayon kalit nga giti-unan og armas ang upat ka trabahante dungan sa pagdeklarar og tulis.
Nideritso kini sa cashier nga si Eilen Dayondon, dayog kuha sa ilang kita nga P15 mil pesos.
Aduna unta guwardiya ang gasoline station apan apil usab kini nga giti-unan og nagpasalba pa sa calibre 45 nga pistola ang mga suspek una mibiya sa lugar.
