GASTUHAN | Gobyerno sang Kuwait magabulig sa pag padala sang ginikanan kag abogado ni Joanna Demafelis sa trial sang kaso

Report ni: Jennifer Palomo Debaja

Nagtanyag sang financial assistance ang Kuwaiti government sa ginikanan ni Joanna Demafiles agud makatambong sila sang trial sang mga prime accused sa pagpatay kag pagsulod sa freezer sa ila anak.

Sa madumduman, nasapwan ang bangkay ni Joanna Demafiles, 29 anyos sang Barangay Ferraris, Sara, Iloilo sa sulod sang freezer sa abandonado nga apartment sa Kuwait. Sang Abril nagpahayag ang ginikanan ni Joanna nga gusto nila makita ang mag asawa nga amo sanday Lebanese national Nader Essam Assaf kag ang asawa sini nga si Mona Hassoun isa ka Syrian nga masilutan paagi sa pagbitay.


Sa pahayag ni Labor Secretary Silvestre Bello III, nagtanyag sang assistance ang Kuwait matapos nag pamalibad ang Lebanese kag Syrian governments sang extradition proceedings sang mga suspects agud mangatubang sang death penalty sa Kuwait.

Suno kay Bello sa interview sang media, plano sang duwa ka pungsod nga maga conduct sang ila nga trial batok sa mga suspect.

Apang, ginpahayag man ni Bello nga abagahon man sang Pilipinas ang tanan nga expenses pati na abogado agud mapadala ang ginikanan ni Demafelis sa pag witness sang trial.

Sa separado nga interview sa utod ni Joanna nga si Joejet, ginpahayag sini nga naga coordinate ang iya pamilya sa kay Overseas Workers Welfare Administrator Hans Cacdac nahanungod sa trial.

Dugang ni Joejet “Sa ngayon po, talagang di naman po sila nagkukulang sa’min”.

Facebook Comments