Sa tan-aw ni Davao City Comelec First District Election Assistant Wilfred Morado, anaa sa 500 hangtod 600 ka kandidato sa BSKE 2023 ug kadaghanan kanila gikan sa downtown area, ang milagda og kasa- butan ug misaad alang sa limpyo, malinawon, ug malampuson nga piniliay sa BSKE 2023 sa sunod buwan.
Giingon ni Morado, ang naasoy nga kalihukan, gi-organisa mismo sa Davao City Police Office uban sa suporta sa lain pang mga buhatan.
Sa hamubo nga mensahe ni Morado, gipahinumduman niini ang mga kandidato sa pagsunod sa tanang kalagdaan ug palisiya sa Comelec sama sa paglikay sa premature campaigning sanglit ang opisyal nga kampanya magsugod sa October 19, 2023 hangtod sa October 29,2023 kon napulo ka adlaw.
Samtang gipasidan-an sab ni DCPO City Director Police Col. Alberto Lupaz ang mga kandidato sa dili pagdala og baril gawas sa ilang mga panimalay kay aron dili madakpan ug makasohan sa COMELEC gun ban karon.
Human namirma sa kasabutan ang mga kandidato gilayon gihimo ang Unity Walk sulod sa People’s Park adiser gitapos ang programa pinaagi sa mga pag-ampo.
Malaumon pa si Morado nga tumanon sa mga kandidato ang ilang mga saad nga patunhayon ang malinawon ug malampuson nga piniliay pipila ka semana gikan karon.
RadyoMaN Joel Viray
