Gatusan ka mga bakawan gitanom sa KPB atol sa Valentines Day

General Santos City—mukabat ngadto sa gatusan ka mga similya sa bakawan ang malampusong natanom sa gipahigayong mangroves planting nga adunay temang “ALAY NG PUSO PARA SA KALIKASAN” sa Kapisanan Nga Mga Broadcaster Sa Pilipinas (KBP) inabagan sa Samahan Ng Mamamahayag At Broadcaster Inc ., Joint Taskforce Gensan, GSCPO Eagles Club ug Vice Mayors Office, alas 7:00 ang takna sa buntag sa Royeca Compound Lower Baluan, Barangay Baluan ning syudad.

Sumala pa ni Net-Net Ortiz, ang Kbp Sargen President nga giatol sa sa KBP Sargen sa adlaw sa mga kasing-kasing ipahigayon ang pagpananum sa mga bakawan aron usab nga makahatag ug mensahe sa katawhan nga ang gugma dili lang ihatag para sa tao sanglit mamahimo usab kining ihatag para sa kinaiyahan.

Gawas matud pa nga nakatabang na sa kinaiyahan pinaagi sa maong pag pananum mapuslan usab kini sa umaabot nga panahon nga adunay dagkong balod gikan sa kadagatan tungod kay mapugngan matud pa kini sa mga bakawan.(Dave Silagan)


Facebook Comments