Gawas sa sakit nga dengue nga nakatala na sa sobra 2,000 ka kaso, nagpahimangno usab ang Provincial Health Office kon PHO-Bukidnon batok sa mga sakit nga kasagarang mutakboy ning panahon sa ting-ulan.
Sa interview sa RMN ngadto kang Dr. Ricardo Reyes, ang provincial health officer sa probinsya gibutyag ninii nga usa sa angayang bantayan sa publiko ang diarrhea .
Maong tambag sa PHO nga siguruhon nga limpiyo ang tubig nga ma-inom.
Gipahimangnoan usab ninii ang katawhan sa sakit nga leptospirosis nga makuha gikan sa ihi sa ilaga.
Usa sa gipa-ampingan niini ang pagkatunok sa lansang tungod sa posibleng titanus.
Likayan usab daw nga magpa-ulan aron dili matakbuyan sa hilanat sip-on ug ubo.
Padayon usab nga gi-awhag ni Dr. Reyes ang publiko nga manglimpiyo kanunay sa palibot aron dili na mutaas pa ang kaso sa dengue.
