Nadakpan sa mga sakop sa Philippine Drug Enforcement Agency (PDEA) ang usa ka babaye nga giilang gaway sa drug lord sa Visayas nga si Kerwin Espinosa.
Ang nadakpan naila nga si Baysay Custodio, 29 anyos ug nagpuyo sa GBC Homes sa Barangay Bulacao dakbayan sa Talisay .
Nakuhaan si Custodio ug di momenos sa 250 gramos nga shabu nga mobalor ug kapin sa P1.2 milyones pesos .
Gibutyag ni PDEA-7 Director Emerson Margate nga sa niaging tuig pa nila gipanid-an si Custodio , human siya nalakip sa listahan sa Presidente nga usa sa mga gaway ni Espinosa ug naglihok sa rehiyon 8.
Facebook Comments
