GCQ violators gibaharan ni Sara

96

Davao City – Andam nang dawaton ni Davao City Mayor Sara Duterte-Carpio ang posibleng pagdaghan sa kaso sa coronavirus disease 2019 sa dakbayan sa Davao human nakita niya ang daghang mga tawo nga nanggawas sa adlaw’ng Lunes ilawom sa General Community Quarantine (GCQ) nga dili essential ang katuyoan.

Tungod niini gibaharan sa mayor ang mga violators nga mag-andam na lamang og P2M para pang-ICU ug last will and testament sa higayong mataptan kini’g COVID-19.


“Kanang mga nanggawas dinha nga nagsuroy-suroy nga wala man pud nipalit og pagkaon. Wala man pud sila niadto sa bangko. Wala man pud sila niadto sa doktor, Wala pud sila nipalit og tambal. Dili man pud padulong sa trabaho nila, mag-andam namo sa inyong last will and testament and then pag-andam namo og two million para sa inyuhang bill sa ICU. I-libre na lang pud nato ang atong cremation,” matud ni Carpio.

Gipaandam na usab niya ang mga reserbang pribadong hospital aron modawat og mga pasyente sa COVID-19 sa higayong dili na ma-akomodar sa SPMC.

Matud sa alkalde, andam na usab ang lokal nga gobyerno sa cremation ug mass grave sa mga COVID-19 patients.

“Kung mangamatay mo, modiretso mo sa cremation, kung daghan na kaayo ang mamatay, diretso ka didto sa mass grave,” dugang niini.

Hinoon giklaro sa mayor nga wala pay na-report nga violators sa ECQ ug GCQ nga nagpositibo sa COVID-19.




RadyoMaN Aimee Guinita

Facebook Comments