GCSPO, NAGAHATAG PA UG KONSIDERASYON SA BORDER CHECKPOINT PARA SA MGA ESSENTIAL WORKER

21

General Santos City–Gi-angkon ni Police Col. Aden Lagradante, City Director sa Gensan City Police Office nga mas nakatutok sila sa border checkpoint sa dakbayan.

Sumala niini nga kauban nila ang mga personahe sa lokal nga panggamhanan tungod sila maoy nag-scan sa mga QR Code. Sumala niya nga dili gyud sayon ang trabaho sa mga pulis ug ang mga naka-assign sa checkpoint.

Gawas sa border control, pabilin usab ang mga fix ug random checkpoint sa kapulisan batok kriminalidad.

Dugang pamahayag ni Col. Lagradante nga sa karon, ginabasehan nila ang Executive Order 42 ni Mayor Ronnel Rivera para sa tanang tugutan nga makasulod sa dakbayan hilabina nga lakip sa ginalimitahan ang mga essential worker.

Sa karon aduna matud pa silay mga ginahatagan ug konsiderasyon hilabina ang mga essential worker nga dili taga Gensan aron mapahibalo sa ilahang mga employer ang ilahang sitwasyon ug hangyuon nga i-in house nalang una sa dakbayan.

Nangayo man usab kini ug pagsabot sa publiko hilabina sa nasinatiang taas nga traffic sa border checkpoint tungod dili matud pa malikayan nga adunay masinatian nga gagmay nga problema tungod sa implementasyon sa checkpoint.(LVR)

Facebook Comments