Gen. Train: Persona Non Grata kay Col. Berango, walay pulos

General Santos City— Gipahimangnuan ni Police Chief Superintendent Cedrick Train, ang Regional Director sa Police regional Office 12 si Police Senior Superintendent Romeo Ruel Berango, acting City Director sa GenSan City Police Office nga mas doblehon pa ang pag trabaho isip labaw sa General Santos City Police Office aron nga mapakita sa mga tao nga mideklara kaniya ug Persona Non Grata nga sayup ang ilahang nahimong batok batok kaniya.

Sumala pa ni Chief Supt. Train nga walay pulos ang pagdeklara sa konseho sa kang Col. Berango ug Persona Non Grata kung makita sa katawhan sa syudad ang trabaho sa city director aron lang nga mamahimong luwas ang mga nanimuyo sa Heneral Santos.
Dugang pa General Train nga ang katawhan sa syudad ang gina- serbisyohan ni Col. Berango ug dili ang usa lang ka tao nga adunay plano nga papahawaon siya isip city director pinaagi sa pag buhat ug resulosyon sa sanguniang panglungsod.

Samtang nahimo matud pang maayu ang performance ni Col. Berango isip labaw sa kapulisan sa dakbayan bisan pa man ug pipila palang kini ka bulan milingkod sa maong posisyon. (Dave S. Silagan)


Facebook Comments