General Santos subling gitay-og sa kusog nga linog, mga empleyado sa usa ka Mall nangalipong

230

GENERAL SANTOS CITY- GIKANSELA ni Gensan City Mayor Ronnel C. Rivera ang klase karong adlawa human nga nasinatian ang 6.4 magnitude nga linog sa dakbayan mga Pasado alas 9 ang takna ganihang buntag. Wala na gitugotan nga makabalik sa ilang nagkadaiyang eskwelahan ang mga estudyante gikan sa tanang pampubliko ug pribadong tulunghaan lakip ngadto sa mga unibersidad ug mga koliheyo.

Wala na usab gitugotan sa mayor nga makabalik sa ilang mga trabaho ang mga empleyado sa lokal nga panggamhanan ngadto sa ilang mga nagkadaiyang opisina aron tugotan nga paga sutaon sa mga enhenyero ang mga gambalay aron masayran kung aduna bay angayang kabalak-an human sa pag tay-og sa kayutaan.. Samtang ubay ubay sa mga empleyedo sa KCC Mall ang gidala sa balay tambalanan tungod nga nawad-an sa ilang mga panimuot o nangalipong, nadunggan usab ang mga pagsinggit sa mga empleyado tungod sa kahadlok resulta sa makusog nga linog ug ang first floor sa nasampit nga mall labi na sa bahin sa groserehan ang adunay paghugmak sa ilang salog.


Samtang ang ubang establesmento ang nanirado usab aron masuta ang kahimtang sa ilang mga gambalay. Gisuta pa sa lokal nga pangamhanan ang mga nangadaot nga mga establismento lakip na kung adunay nasamdan tungod sa panghitabo. Kung atong kahinumduman niadtong oktobre 16 gitay-og ang tulunan og 6.3 magnitude nga linog kung asa miresulta sa kamatayon sa 7 ka mga indibidwal ug gikasamdan sa kapin gatos ka mga tawo.

Kahibaloan nga ang sentro sa linog mao ang Tulunan North Cotabato.
Photo credits: Anna Chew Rubiato Canoy

For more info’s and updates, like and share our official facebook account : www.facebook.com/ifm91.9Gensanofficial/
[image: linog sa gensan.jpg]
[image: 72941648_2434713720180916_1540698661355257856_n.jpg]

[image: 74956390_2434713653514256_581535200329072640_n.jpg]
[image: 73201890_2434713920180896_6432693396778778624_n.jpg]





Facebook Comments