GENERALLY PEACEFUL|Kasaulogan sa semana santa sa Gensan, generally peaceful

General Santos City–Generally Peaceful, kini ang gikumpirma ni Gensan PNP Director Police Sr. Supt. Raul Supeter sa kasaulogan sa Semana Santa nga natapos na kagahapong adlawa.

Atul sa pakighinabi sa RMN Gensan gibutyag ni Col. Supeter nga walay natalang mga dili maayong panghitabo sulod sa usa ka semanang selebrasyon nga may kalabutan Semana Santa.

Hinuon dunay mga ginagmay nga insidenteng natalang sama na lamang sa mga gikalambigitan sa mga batang sukarap apan gihingusgan ni Supeter nga wala man kini kalabutan sa Semana Santa.


Kalabot niini gikanayon sa opisyal nga usa sa dakong tabang sa pagmintinar sa kapulisan sa kahapsay ug kalinaw sa syudad mao ang walay pu-as nga monitoring sa mga pampublikong lugar ug checkpoints sa kadalanan kung asa gawas sa kapulisan, kaabag usab nila ang kasundalohan.

Matud ni Supeter nga panahon sa gabii kanunay nga dunay mga naka-deploy nga kapulisan sa mga simbahan ug uban pang lugar nga ginadagsa sa katawhan. Gawas sa kapulisan sa Gensan duna usay gidugang nga mga pulis sakop sa RPSB Region 12. (Jordan Britos)

Facebook Comments