Gensan City Police Office, nominado isip Best Police Office Nationwide

*General Santos City—————- Nominado isip Best Police Office Nationwide ang General Santos City Police Office kung asa kaatbang niini ang Angeles City Police Office ug ang Iligan City Police Office.*

*Gipangunahan ni Police Chief Superintendent Eduardo Serapio Garado, ang validating ug inspecting team gikan sa Kampo Crame aron sa pagsuta sa mga dokumento sa GSCPO.*

*Sumala niya nga lakip sa ilahang himuon nga basihan mao ang personnel records management, logistics, quad activities operations, intelligence operation ingon man ang police community relations ug uban pang mga special projects nga nahimo sa City Police Office.*


*Pamahayag ni General Garado nga wala pa sila mibisita sa mga Police Station sa dakbayan ug nagpahigayon pa lang ug courtesy call ngadto kang Police Chief Superintendent Cedrick Train, ang Regional Director sa Police Regional Office 12.*

*Dugang pa niini nga makonsidera na nga dakong garbo alang sa unsa mang City Police Office nga mahimong nominado isip Best Police Office Nationwide.*

*Samtang gipasalamatan niini ang katawhan sa dakbayan gumikan sa suporta nga ginahatag ngadto sa kapulisan.*

Facebook Comments