Gensan CMFC finalist sa best CMFC sa tibuok Pilipinas

General Santos City–Gipakita sa mga personahe sa City Mobile Force Company sa General Santos City Police Office sa gipoahigayon nga simulation exercise sa tulo ka managlahing senaryo nga posibleng mahitabo sa syudad sa Gensan aron usab nga ipakita ang ilahang ka-andam sa unsa mang sitwasyon.

Ang nahisgutang mga senaryo mao ang pag disperse sa mga bayolente nga naga pahigayon ug rally, pagbusikad sa usa ka bomba ug pag pamusil sa mga armado sulod sa usa ka mall.

Ang pag pahigayon sa maong aktibidadis ang sumala pa usa sa mga gikinahanglan aron nga ma-evaluate ang katakus sa CMFC sa GSCPO isip usa usab sa mga finalist sa best City Mobile Force Company sa tibuok Pilipinas diin kaubanan nilang finalist mao ang Cagayan De Oro City mobile force ug Davao City Mobile Force.


Gipangunahan ni Brig. Gen Carlito Feliciano ang deputy director sa DIPO Eastern Minadanao ug ang chairman sa field evaluation team.

Sumala ni Gen. Feliciano nga very good ang gipakitang performance sa Gensan sa mga senaryo nga gipahimo ngadto kanila.

Dugang pa niini nga sa iyahang nakit-an sa gihimong simulation exercise , iyang masulti nga luwas ang Gensan gumikan hanas matud pa ang mga Police nga sakop sa GSCPO sa pagrespondi sa mga insidenti sa pagpanguna ni Police Col. Aden Lagradante ang PNP City Director ug ang labaw sa city mobile force company nga si Police Lt. Jose Marie Simangan.

Samtang mapasigarbohon usab si Pol. Col Aden Lagradante sa nakuha nga nominasyon sa CMFC sa GSCPO.

Sumala pa niini nga kini ang unang higayon nga nabutang sa mga top CMFC ang GSCPO kung asa usa kini ka dakong dungog alang kanila.(Dave Silagan)

Facebook Comments