GenSan nakatala ug 3 ka mga bag-ong kaso sa COVID-19

GENERAL SANTOS CITY- Tulo na lamang ang nadungag nga bag-ong kaso sa COVID-19 sa dakbayan sa GenSan kini base sa ulahing datos nga gipagawas sa DOH-12.

Sumala nga usa ka lalaki ug duha ka babaye ang bag-ong nareport nga kaso sa maong makamatay nga sakit. Nasayran nga a ng ika-1468 nga kaso lalaki nga nagpangidaron 52-anyos walay trabaho nga residente sa Prk. Placida, Barangay Calumpag. Ang ika-1469 nagpangidaron 66-anyos babaye, walay trabaho nga nanimoyo sa Morales Village, Barangay City. Samtang ang ika-1470 ka kaso 25-anyos babaye, adunay trabaho nga residente sa Prk. 10 –B, Barangay Katangawan. Sa karon ang dakbayan aduna nay 1470 ka mga kaso, sa maong ihapa 92 niini ang anaa karon sa aktibo nga kaso, 63 ang patay ug adunay 1315 ka mga recoviries.

Samtang padayon usab ang pagpahimanglo sa buhatan panglawas nga mag-amping sa padayon nga bahad sa COVID-19.


For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation

[image: COVID.jpg]

Facebook Comments