General Santos City—Gibisita ni PRO-12 Regional Director Police Chief Supt. Marcelo Morales ang nasamdan nga pulis atol sa gihimong ronda sa kapulisan ug militar batok miyembro sa Maute-ISIS terror Group kaganinang kabuntagon.
Alas 10:00 ang takna kaganinang buntag dihang gibisita ni Gen. Morales si Po3 Jerry Teo, nga nakabase sa Regional Mobile Force Battalion sa Gensan Medical Center human napusilan sa suspek nga si Najib Pundug, Myembro sa Maute Terror Group human kining nakabantay dihang gisulod sa kapulisan ang iyang girentahang balay sa Barangay Fatima, Gensan.
Nasayran nga patay usab ang suspek human napulisan sa mga pulis.
Gidayeg ni Gen. Morales ni PO3 Teo gumikan sa kaisog niini ug dedikasyon sa trabaho. Gani sumala pa sa opisyal nga unta tanang pulis sama ni Po3 Teo nga andam nga itaya nag kinabuhi tungod ug alang sa nasud.
Nasayran nga stable na ang kahimtang ni Teo sa balay tambalanan ug gikalipay usab niini ang pagbisita ni Gen. Morales ngadto kaniya.
