General Santos City–Libuan ka mga taga suporta ni Rodrigo “Boy” Olarte ang nahidangat gawas sa Hall Of Justice sa barangay Lagao, Gensan aron matud pa nga ipakita ang ilang suporta sa ilahang lider sa mga pagsulay nga iyahang gina-agian karon.
Sumala pa sa mga tagasuporta niini nga ila kining buhaton panahon nga adunay hearing sa korte si Boy Olarte aron usab nga mahatagan kini ug pag laum tungod kay nag tuo sila nga biktima lang usab ang nasangpit sa mga pag pananum ug ebidinsya sa kapulisan.
Alas 10 sa buntag kagahapong adlawa sugod na ug tapok ang mga nasangpit sa gawas sa korte ug nag pabilin sila hangtod nahuman ang hearing sa kaso sa nahisgutan.
Kahinumduman nga una nang naaresto si Olarte human nga nakuhaan ug Granada ang buhatan niini dihang gipailawom sa raid sa kapulisan pila ka bulan na ang nakalabay. (Dave Silagan)
