Davao City – Hapit maugdaw ang usa ka balay nga gama sa light materials diha sa may S.I.R Phase 1 human nga aksidenteng nasunog ang usa ka patay nga gihaya sa maong lugar.
Base sa report nga dihang mireklamo ang kabanay sa maong minatay ngadto sa purenarya nga gi serbisyohan niini kay gi amigas ang patayng lawas sulod sa lungon.
Gibalikan kini sa techncian sa maong punerarya ug gi sprayhan ang patay aron matanggal ang mga gagmayng mananap apan gumikan usa ka highly volatile ang gi-spray gidakop kini sa nagsigang kandila.
Misilaob ang maong patayng lawas ug mikanit kini sa mga kurtina.
May nalang kay adunay pundong timpladong juice sa mga naglamay ug giyabo sa minatay rason nga napalong ang kalayo.
Na alarma pag ayo ang mga tawo ug samot ka masulob on ang mga kabanay niini ilabi nga nagsinggit sila sa hustisya human nga gipusil patay ang ilang minatay.
Hinuon gidala pagbalik sa maong purenarya ang patay aron nga malimpyohan ug balik ang patayng lawas.
RadyoMaN Paul Canono
