Gikaingong lider sa “Sukarap”, patay sa anti-illegal drug operation sa kapulisan

40

General Santos City–patay sa gipahigayong buybust operation sa Police Station 7 ang gikaingong notorious nga kawatan ug lider sa sukarap sa Barangay Fatima nga si Dexter Morales Alyas Balot, legal age, residenti sa maong barangay human nga misukol sa mga otoridad alas 11:00 pasado ang takna sa udto niadtong Sabado sa Sto. Niño Prk. 7, barangay Apopong ning syudad.

Sumala pa ni Police Senior Inspector Fernando Manuel nga ila untang ipahigayon ang buybust Operation sa 39.2 FVR village apan nausab matud pa ang Venue ngadto sa Barangay Apopong. Samtang ginahimo ang buybust operation,nakamatikod ang suspek nga pulis ang iyang katransaksyon mao nga siya midagan palayo.

Didto na kini gigukod sa kapulisan apan kalit kining mibunlot ug pusil ug ipunting ngadto sa operatiba mao nga giunhan nag pusil sa kapulisan, igo sa iyang tyan nga bahin. Nadala pa sa ospital ang suspek ug nakabsan gyud ug kinabuhi.

Nasayran nga ang suspect aduna usay standing warrant of arrest sa kaso nga pag pangawat, samtang lambigit usab kini sa iligal nga droga ingon man riot sa Barangay Fatima. (Dave Silagan)

Facebook Comments