General Santos City—giransack sa wala pa mailhing suspetsado ang duha ka mga establishemento nga makaplagan sa sa barangay Lagao, atubangan sa Robinsons Place Gensan alas 4:00 ang takna sa kaadlawon kagahapong adlawa.
Unang mipatala sa buhatan sa Police Station 3 ang Lotto Outlet staff nga si Jenny Langbid, 24, residenti sa Kawas Alabel, Sarangani province human matud pa nga giransak sa wala mailhing suspek ang gitrabahuan niini lotto oulet.
Gikawat sa suspek ang P1,000.00 nga kwarta ingon man Internet Modem nga nagkantidad ug P4,000.00.
Samtang samang oras usab mireport sa buhatan sa Police Station 3 ang negusyanteng si Moin Duyang, 44 anyos nga taga Barangay Batomelong, ning syudad human nga gisulod usab sa wala mailhing suspek ang iyang gipanag-iyahang karenderya nga makaplagan tapad lang sa Lotto Outlet.
Sumala pa nga gikawat sa suspek ang iyang mahalong relo ug cellphone. Nakit-an pa niya ang pagsibat sa suspek gani iya pang gisuwayan ug gukod apan wala na niini maabti. Sa karon nagpadayon ang gihimong imbistigasyon kalabutan sa maong insidenti.
Read More: rmn.ph/ rmn.ph/dxmd927gensan/
