Nagalab-ot sa 983.8 board feet sang gin-abandona nga undocumented forest products ang nakumpikar sang Community Environment and Natural Resources Office (CENRO) Kalamansig upod ang Philippine National Police sa Sitio Kiyosaw, Barangay Basak ,Lebak, Sultan Kudarat sang tinalikdan nga adlaw.
Suno pa nakabaton sang report ang talatapan ni CENR Officer Iskak G. Dipatuan amo nga nagmando nga iverify ang illegal nga pagpang-utod sang kahoy.
May-angot sini, nakit-an sang anti-illegal logging task force ang abandonado nga mga kahoy nga ginalakipan sang white Lauan, Dao, Duguan kag Bakan species sa lugar.
Ginpahayag ni CENR Officer Dipatuan nga nagapadayon ang imbestigasyon agud mahibaluan kon sin-o ang nagapanag-iya sang nasambit nga mga kahoy nga sa subong yara sa kustodiya sang CENRO Kalamansig.
Magapangatubang naman sang kaso nga pagbayolar sa Presidential Decree No. 705 kag iban pa nga nagaexister nga balaud ang nagapanag-iya sang illegally cut logs.
