Gin-alegar pag abduct sa isa ka babayi sa syudad sang Bacolod padayon pa ang imbestigasyon sang otoridad

52

Padayon pa ang imbestigasyon sang Police Station 2 angut sa isa ka babayi nga ginreport gin-abduct sang wala makilal-an nga mga suspek kag ginsakay sa itom nga Avanza sa 19th Street Lacson , Bacolod City.

Mga las 8 pasado kagab-I, suno sa mga saksi, halin sa area sang San Agustin, padulong sa dalan Lacson ang isa ka babayi, apang antis pa man makalab-ot sa Bangga malapit sa MAB Rent-a-Car gindulugan ini sang itom nga Avanza nga may plate number ROX 5728, nagguwa ang isa ka lalaki nga nakajacket itom kag gin-istorya ang babayi. Nagguwa naman ang duha ka mga upod sini kag pwersa nga ginpasulod sa salakyan ang babayi kag gilayon nga naglakat ang salakyan pagwa sa dalan Lacson.


Sa description sang mga saksi, ang babayi naga-edad mga 25 anyos, nakashort sang itom, kag naka-spaghetti nga bayo. Nabatian pa sang mga saksi ang tinaga nga ‘aaahhhh’ sang ginsulod sa Avanza ang babaye.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments