GIN-HOLD-UP | Collector sang lending company, gin-hold-up sa banwa sang Sta. Barbara

600

Naglab-ot sa 40 mil pesos nga koleksyon ang natigayon nga mataban sang suspek nga naghold-up sa collector sang isa ka lending company sa banwa sang Sta. Barbara kahapon sang hapon.

Ginkilala ang biktima nga si Jose Joven Paro, 51 anyos sang barangay Dulunan, Arevalo, Iloilo City.

Suno sa biktima nga natabu ang insidente sa Barangay Buyo, Sta. Barbara kon sa diin isa ka lalaki nga nagasakay sa motorsiklo ang nagpalapit sa hiya kag hinali na lamang siya nga gintayaan sang armas luthang kag ginhold-up.

Natigayon nga mataban sang suspek ang iya bag nga naga-unod sang iya koleksyon.

Madasig man nga nagpalagyo ang suspek padulong sa wala mahibaluan nga direksyon kag padayon karon nga at large.

Facebook Comments