Napalgang patay ang usa ka ginang didto sa brgy. El Paraiso, lungsod sa Liloy, ning atong probinsya.
Naila ang biktima nga si Marieta Trasminte Legarde, 48 anyos menyo, molupyo sa nahisgutan nga lugar.
Sa inisyal nga imbistigasyon sa kapulisan nasayran mga 5:30PM ang bana sa biktima nga si Alejandro Legarde gikan sa lungsod sa RT Lim, Zamboanga Sibugay.
Paghidangat niya sa ilang pinuy-anan iyang nakita ang nagbuy-od nga lawas sa iyang asawa nga naligo sa kaugalingong dugo, wala na kini sapot ug adunay samad dinunggaban sa iyang liog.
Nawagtang usab ang duha ka cellphone nga Cherry mobile ug Telego lakip na ang P4, 000mil
Gani dali pa kining gidala sa balay tambalanan apan wala na kini kinabuhi, sa pagkakaron padayon pa ang imbistigasyon sa kapulisan kung unsay nagpaluyong motibo sa maong panghitabo.
