Ginang, gipusil kaganihang kadlawon

Nadala sa ospital ang usa ka ginang human kini gipusil kaganihang kadlawon ning syudad sa Cagayan de Oro.

 

Ang biktima naila sa pangalang si Analiza Malazar nga taga Barangay Cugman.

 

Nakaangkon kini sa igo sa iyang lawas.


 

Nasayran nga bag-o pa lamang nibalik sa syudad ang biktima gikan sa kustodiya sa Department of Justice sa dihang kalit gipusil sa duha ka tawo nga sakay sa motorsiklo.

 

Gituohang responsable sa maong krimen, ang usa ka datu sa usa ka tribu nga maoy gipasakaan og kaso sa biktima tungod sa pagpanglugos niini.

 

Dugang pa nga kanhi nang nakadawat sa hulga sa kinabuhi ang biktima gikan sa maong leader sa tribu nga naila sa pangalang Datu Kuluban.

Facebook Comments