Ginang gituohang gilugos-patay sa 18 anyos

Davao City – Gituohang gilugos, gikawatan ug gipatay sa usa ka 18 anyos ang usa ka 49 anyos nga babae ug tindera sa mga rebulto sa Sto. Niño niadtong Disyembre 1 sa sapa sa Purok 2, Shanghai, Brgy. Manambulan, Tugbok District ning syudad sa Davao.

Sa report sa Tugbok PNP, daghang samad dinunggaban ang na angkon ni Gina Ocba, residente sa Purok 3G RTU, Brgy. Apokon, Tagum City.

Samtang ang suspek balhug na sa prisuhan nga giilang si Carille John Capute, 18 anyos, residente sa Tugbok kinsa mitug-an sa iyang amahan ug igsuon nga siya nakapatay.


Sa imbestigasyon, nakita sa otoridad sa crime scene nga wala nay suot pang-ubos ang biktima hinungdan nga gipailawom sa awtopsiya si ocba aron masuta og kumpirmado bang nahilabtan kini.

Samtang narekober sa suspek ang gipangkawat niining gamit sa biktima, pito ka mga figurine sa Sto. Niño, maong pants nga dunay underwear ug uban pang butang gipanag-iyahan sa biktima.

Sa karon, gidala na ang biktima sa lugar sa iyang mga ginikanan sa Governor Generoso, Davao Oriental samtang nagpadayon pa usab ang imbestigasyon kalabotan sa mangilngig nga insidente.

RadyoMaN Renz Barbarona

Facebook Comments