Ginang nga nagatindog bilang amay kag iloy sa iya tatlo ka kabataan, ginbatyag gid ang pagpasirado sang Boracay rason nga nagbuang

158

Gindala na sa Mental Hospital si Athelma Familara matapos nagbuang bangud sang natalana nga pagsirado sang Boracay.

Suno kay Former SB Member Jonathan Cabrera sang Malay, Aklan nga amo ang nag-asister kay Familara agud madala sa Mental Hospital ang ginang, ginbatyag gid ni Familara ang pagpasirado sang Boracay bangud siya ang nagatindog nga amay kag iloy sa iya tatlo ka mga kabataan matapos lima na ka tuig nga nabalo.

Ginpahayag ni Cabrera nga sang una pa lang, nagapanumdom na si Familara kon ano ang matabo sa ila matapos naggwa ang impormasyon nga posible siraduhon ang Boracay.

Dugang pa ni Cabrera nga gin-nerbyos si Familara sang nabaton na ang Notice to vacate kag kinahanglan na sang mga ini bayaan ang hayub-hayub nga nahamtang sa wetland sang Brgy. Manoc-manoc.

Ginpahayag ni Cabrera nga dalayon nga nagbuang si Familara sang nagpamalibad ang isa ka turista nga magpamasahe sa iya bangud tigulang na kuno ini.

Suno kay Cabrera nga bangud nagtililingob na ang ginapaminsar ni Familara, nagdalagan ini, naghublas, nagkanta kag nagbuang sang dalayon.

Ginpahayag ni Cabrera nga may plano na ang Department of the Interior and Local Government nga i-relocate ang iban nga mga residente apang padayon pa nga ginahulat sang mga ini ang klaro nga programa sang ahensya.

Facebook Comments