Ginang nga namaligya og druga, pasakaan og kaso

Pasakaan sa kasong pagsupak sa Republic Act 9165 karong adlawa ang 46 anyos nga drug pusher nga si Noronisah Regaro, balo nga taga-Zone 6 Balite, Barangay Bugo ning dakbayan, apan lumad nga taga-Wao, Lanao del Sur.

Nasayran nga si Regaro ang mipuli sa iyang anak sa pagpamaligya sa illegal nga druga, human nadakpan ang iyang anak ning dakbayan.

Nasikop ang maong ginang sa gihimong buy bust operation sa City Drug Enforcement Unit o CDEU sa Barangay Bugo niadtong adlawng Biernes kung asa, nakuha gikan kaniya ang 91-mil pesos nga balor sa shabu.


Gibutyag ni SPO2 Allan Radaza sa CDEU nga one thousand pesos nga marked money ang ilang gigamit sa pagpalit kang Regaro hinungdang ila gilayon kining gidakop ug gipriso sa Maharlika Detention Cell.

Dugang pa ni Radaza nga dili lamang dinhi sa syudad gapamaligya ang suspek kon dili aduna usab kini kustomer sa Gingoog City ug ubang bahin sa Misamis Oriental.

By: RadyoMaN Ellah Baculio

Facebook Comments