Ginapatigayon nga pagpatrolya sang mga tanod sa Barangay New Pangasinan mas pa nga pabakudon.

Mas nga pabakudon pa ang ginapatigayon nga pagpatrolya sa mga purok, ini ang iya nga mando sa mga barangay tanod suno kay Kapitan Marcelino Salanga sang Barangay New Pangasinan, syudad sang Koronadal matapos ang sunod-sunod nga shooting incident sa iya nga barangay.
Apang nagapati si Kapitan Salangga nga wala sang kahilabtanan sa droga ang pagluthang kay Pedro Beltran Cortado Jr., 38-anyos sang Martes sang gab-i.
Aminado man ang Punong Barangay nga nakatuga na sang kabalaka sa mga pumuluyo sang New Pangasinan ang sunod-sunod nga insidente sang pagpangluthang sa iya nasakupan nga sa iya lang nga termino bilang kapitan yara na suno pa sa apat ang patay kag isa ang pilason.
May-angot sini ginapaalerto man ni Kapitan Salangga ang mga pumuluyo batok malain nga elemento kag likawan na nga maimbolber sa droga, magrupo-grupo kag maglagaw-lagaw sa oras sang kagab-ihon.
Nahibaluan nga subong nga bulan duha na ka shooting incident ang nagluntad sa Barangay New pangasinan nga ang una nga nangin biktima ang isa ka drug surrenderer nga si Cleto Cabrido residente sang Purok Ilang-ilang kag ang ulihi ang nagluntad alas 7:30 sang Martes sang gab-i sa bahin sang Purok Camia sa nasambit nga barangay nga ang biktima ang ginkilala naman kay Pedro Beltran Cortado Jr., 38-anyos.

 

Facebook Comments