Ginapatihan miyembro sang NPA patay sa engkwentro sa Moises Padilla

25

Patay ang gin-alegar miyembro sang New People’s Army (NPA) sa engkwentro sa tunga sang 62nd Infantry Battalion sa Sitio Arum, Barangay Macagahay, banwa sang Moises Padilla, Negros Occidental sadtong Huwebes, Nobyembre 5.

Ginkilala ang napatay kay Rio Jacaba samtang nakapalagyo naman ang duha sini ka mga upod.


Suno kay Capt. Kelvin Bayaban, 3rd Infantry Division civil military operations officer sang Philippine Army, ginrespondehan sang 62nd Infantry Battalion ang report sang mga residente sa presensya sang isa ka makaduluda nga persona nga ila ginapatihan katapo sang NPA.

Na-recover sang otoridad kay Jacaba ang .45 calibre Colr MK IV pistol, isa ka holster, naglupok nga basiyo sang .45 calibre pistol kag pila ka mga subversive documents.

Nagpasalamat naman si Macagahay sa mga residente sa barangay kadungan sa pagpanawagan sa mga nabilin pa nga miyembro sang NPA sa central Negros nga mag-abandonar na kag magbalik sa sabak sang gobyerno.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>




Facebook Comments