Ginatos ka mga indibidwal ginpang evacuate sa banwa sang Isabela kag Hinobaan bangud sang tubig baha

22

Ginatos ka mga indibiwal ang ginpang-evacuate sa banwa sang Hinobaan kag Isabela bangud sang pagbinaha epekto sa gihapon ni Bagyo Quinta halin pa kahapon.

Sa datos sang Municipal Disaster Risk Reduction and Management Office sang Hinobaan, may 15 ka mga pamilya nga gin-evacuate sa Brgy. 1 Poblacion kag nagatiner sila karun sa covered court. May lima naman ka pamilya sa Brgy. Bulwangan nga nagatiner man sa barangay hall kag sa 30 naman sa Talacagay nga nagatiner naman karun sa covered court.


Sa banwa naman sang Isabela, 118 ka pamilya nga ginalakipan sang 457 ka indibidwal ang gin-evacuate sa lima ka mga lugar. Ini ang ginalakipan sang anom ka pamilya sa Sitio Noning, Brgy. Maytubig; 34 sa San Pedro, Brgy. Rumirang; 35 sa Sitio Calapnisan, Brgy. Rumirang; 28 sa Sitio Galo, Brgy. 5 kag 15 naman sa Sitio Alegria, Brgy. 5.

Nag-awas man ang overflow sa Brgy. Hilamonan, kag nagsaka ang tubig sa Taytay Talubangi, lunsay sa ciudad sang Kabankalan.

[image: image.png]

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>




Facebook Comments