GINBILIN LANG SANG ILOY! | Lapsag nga babaye, gin-abandonar sa atubang sang isa ka poluy-an sa Brgy. Mongpong!

Roxas City, Capiz- Isa ka bag-o bun-ag nga lapsag nga babaye ang ginbilin malapit sa atubang sang isa ka panimalay sa Jimenez Drive Brgy. Mongpong, Roxas City.
Suno sa nakakita nga si Ariel Obidos, mga 11:30 ang takna sang gab-e una ini nga nakabati sang hibi sang lapsag apang wala niya ginsapak apang bangud sa masako nga paglahay sang mga alaga nga ido nagguha ini kag didto nakit-an ang lapsag nga naputos sa lampin.
Ginapatihan nga ini ang bag-o bun-ag bangud nga nagatapik pa ang pusod sa lapsag.
Nagdesider ini nga magpanawag sa mga kapulisan sang Roxas CIty PNP.
Kaupod ang CERT kag CSWDO, gilayon ini nga gindala sa Roxas Memorial Provincial Hospital agud nga malantaw ang kondisyon sang ikaayong lawas sang amu nga lapsag.

Facebook Comments