GINBUGAWAN | Tatlo ka mga minors narescue matapos ginpangitaan kustomer sang bugaw man nga menor

2666

BACOLOD CITY – Natigayon nga ma rescue sang mga utoridad ang tatlo tanan ka mga menor de edad nga kababaenhan nga buot kuntani ibaligya sang bugaw nga isa man ka menor de edad sa entrapment nga ginpatigayon kahapon sang hapon sa isa ka hotel sa Bacolod City.

Ang mga biktima tanan naga-edad sang 15 anyos, duha pumuluyo sang Brgy. Banago kag ang isa residente sang Brgy. 35.

Samtang ang suspek naman, isa ka 17-anyos nga lalaki nga naga-istar sa Brgy. Banago.

Sa ginpatigayon nga joint entrapment operation las 4:15 kahapon sang hapon sa isa ka hotel sa Bacolod City, madinalag-on nga nadakup ang suspek nga minor matapos ini siya ang gindaw-an sang 2 mil pesos nga cash sang poseur customer kabaylo sang mga minors.

Ang operasyon ginpatigayon sang mga katapo sang Regioal Anti Cyber Crime 6 sa pagpanguna ni Police C/Insp. Alfredo Arturo kag WCPD head Police/Insp. Arlyn Torrendon upod ang representante sang DSWD.

Ang mga biktima temporaryo nga yara sa custody sang Balay Pasilungan samtang ang suspek naman ukon ang Children In Conflict with the Law ang ginturn-over sang Social Worker sa Social Development Center./dyHB BACOLOD

Facebook Comments