GINBUNGGUAN-PATAY | Tigulang nga nagtabuk sa dalan, ginbungguan sang pick-up, patay

Patay ang isa ka tigulang matapos ginbungguan sang isa ka Navarra nga pick-up mga alas 6:30 sini lamang nga gab-i sa barangay Natividad, Barotac Viejo, Iloilo.

Ginkilala ang biktima nga si Conrado Magazo, 63 anyos sang nasambit nga lugar.

Suno sa anak sang biktima, nagaisahanon lamang nga nagalakat sa dalan ang iya amay sang magtabuk ini sa karsada kon sa diin hinali man nga nag-ulhot ang nagahagunos nga Navarra nga salakyan kag ginbungguan ang biktima.


Bangud sini, nagtabug ang biktima kag nakaagum sang malubha nga kapilasan sa ulo, dughan kag iban nga partre sang lawas.

Gindala pa sa Barotac Viejo District Hospital ang nasambit nga tigulang apng gindeklarar nga dead on arrival.

Gilayon naman nga nagsurrender sa Pulis ang driver sang Navarra nga nakabunggo nga ginkilala kay Redan Llaban 32 anyos sang Barangay Luca, Ajuy, Iloilo.

Suno kay Llaban nga wala sini matalupangdan ang nagatabuk nga tigulang kabangdanan nga iya ini nabungguan.

Facebook Comments