LA CARLOTA CITY, NEGROS OCCIDENTAL – Ginbuno sang wala makilala nga suspek ang isa ka lalaki samtang nga yara ini sa iya tricycle kaina sang kaagahon sa Brgy. RSB ciudad sang La Carlota.
Nakilala ang biktima nga si Jerikly Clyde Panta, 20 anyos ang edad, pumuluyo sang Brgy. Ayungon, La Carlota.
Suno sa imbestigasyon sang La Carlota City Police station, may mga las 4:30 kaina sang kaagahon, ang biktima samtang nga nagasakay sa iya tricycle, ginpalapitan sang wala makilala nga suspek kag hinali na lamang nga ginbuno.
Naigo sa iya tuo nga tiyan kag likod ang biktima kag dali-dali nga gindala sa Don Salvador Benedicto Memorial District Hospital sa La Carlota City.
Apang, ginsaylo man ini gilayon sa isa ka ospital sa Bacolod para sa nagakaigo nga pagbulong.
