Panay, Capiz – Patay ang isa ka lalaki matapos nga ginpulihan sang buno samtang yara sa peryahan sa Brgy. Cabugao Oeste, Panay, Capiz. Nag-angkon sang madamo nga kapilasan sa lawas ang biktima nga ginkilala kay Joemar Bolbider y Calinao, 36-anyos nga nangin rason sang gilayon sini nga kamatayon.
Base sa imbestigasyon sang mga kapulisan sa banwa sang Panay, ginpulihan sang magpakaisa nga sanday Russel Dolfo kag Roger Bagioro ang amo nga biktima. Antes pa man ang insidente, nagluntad na ang pagbayluhanay sang mga indi maayo nga tinaga kag inumol sa tunga sang amo nga mga persona.
Bangud nga wala sang padaog ang magpakaisa, naggabot sang kutsilyo si Russel Dolfo kag hinali nga ginhandos ang biktima. Madasig naman nga nadakpan sang nagresponde nga kapulisan ang isa sa mga suspek nga si Roger Bagioro samtang yara pa ginabulong sa pribado nga ospital ang pakaisa sini nga si Russel Dolfo.
