GINBUNO SANG ICEPICK | Lalaki ginbuno sang makatatlo ka beses gamit ang icepick

BACOLOD CITY – Ginbuno sang duha ka suspek ang isa ka soltero kahapon sang aga sa Brgy. Taculing, ciudad sang Bacolod. Nakilala ang biktima nga si CJ Gabrillo, 18 anyos ang edad, pumuluyo sang 1st Road, Purok Kabukiran, Brgy. Taculing, Bacolod City.

Ang mga suspek naman ginkilala nga sanday Ronel Semillano, 21 anyos ang edad, residente sang Mercury St., Puentebella Subdivision, Brgy. Taculing kag Jojo Semillano, 18 anyos, pumuluyo sang Purok Cinco, Puentebella Subd., sang amo man nga barangay.

Suno sa imbestigasyon sang Police Station 6, ginbuno sang mga suspek ang biktima gamit ang ice pick. Tatlo tanan ka igo sang buno ang naangkon sang biktima samtang gilayon naman nga nagpalagyo ang mga suspek matapos ang insidente.


Sa karon padayon nga ginabulong sa Corazon Locsin Montelibano Memorial Regional Hospital ang biktima samtang gilayon nga nagpatigayon sang hot pursuit operation ang mga katapo sang Police Station 6.

dyHB BACOLOD

Tags: Visayas, dyhb, Bacolod

Facebook Comments