BACOLOD CITY – Nagpadulong sa Police Station 1 ang gwardiya sang Bacolod City Public Plaza agud ireklamo ang isa ka dalaga nga iya nadakpan sa akto nga gina-guba ang “fog light” ukon suga sa plaza.
Nakilala ang complainant nga si Rizalino dela Peña, 53 anyos kag isa ka empleyado sang General Services Office ukon GSO nga assigned naman gwardiya sa public plaza sang Bacolod.
Ang gina-reklamo naman amo si Jocy Delgado, 35 anyos ang edad, single kag pumuluyo sang Yulo’s Park, Brgy. 14, Bacolod City.
Suno kay dela Peña, may mg alas 11:20 sang aga sadtong Sabado, nadakpan gid niya si Jocy nga gina-guba ang isa sa mga fog light sa plaza kon diin naga-balor ini sang kapin 3,500 pesos./dyHB BACOLOD
Facebook Comments
