Ginikanan kag himata sang mga kabataan nga nagkala-anod sa suba sa Mandalagan wala ideya sa paglakat sang mga biktima

43

Nagaguwa nga wala naglisensiya sa ila mga ginikanan kag himata ang mga kabataan nga naanod sa suba sa Purok Abkasa, Brgy. Mandalagan, Bacolod City sa diin tatlo ang una na-missing kag apat naman ang naka-survive.

Matapos nga nasapwan na sa Purok Tumpok, Brgy. Zone 15, Talisay City ang bangkay ni Janeth Rodriguez, 14-anyos sang Purok Santol, Brgy. Mandalagan, naistorya sang DYHB ang amay kag lola sini lakip na ang iloy man sang isa ka na-missing nga si Jaren Pahilagao kag lola ni Nica Harder nga isa sa mga survivor.

Sa pahayag ni Evangelina Remos, lola ni Janeth, nagpanglaba kahapon sang aga ang iya apo kag wala ini naglisensiya sa iya nga may kadtuan tubtub nga ginpahibalo na lang sila kahapon sang hapon nga naanod na ini sa suba.

Mangin ang iya amay nga si Gregorio Remos nga nagatrabaho sa construction ang wala man sang ideya sa ginkadtuan sini kag suno sa iya kun nakahibalo lang siya, napunggan niya kuntani ini. May magulang nga babaye kag manghod nga lalaki si Janeth kag ang iya iloy sini ang 11 na katuig nga nagatrabaho sa Lebanon. Nahibaluan nga indi kasado ang ginikanan ni Janeth.

Nahibaluan nga magluwas kay Janeth, missing man sanday Carl Cabrillos, 17-anyos kag Jaren Pahilagao, 15-anyos, samtang nakaluwas naman sanday Geo Cabrillos, 13 anyos, Nica Harder, 15 anyos, Lance Catacata, 13 anyos kag Ronelo Transmonte, 24 anyos.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments