GINKAWAT ANG MANOK | P15k nga balor sang inugbulang nga manok, ginkawat, kudal ginguba pa

BACOLOD CITY – Ginkawat sang wala makilala nga suspek ang tatlo ka mga malahalon nga mga inugbulang nga manok sa Purok Paho, Mars St., Puentebella, Brgy. Taculing diri sa ciudad sang Bacolod.

Nagpadulong sa Police Station 6 ang tag-iya na nakilala kay Melinda Cordero, 63 anyos ang edad, pumuluyo sang amo nga lugar agud ipa-blotter ang natabo nga pagkawat sang iya mga inug-bulang nga manok.

Suno kay Cordero, mg alas 4:30 kahapon sang aga sang iya nadiskubrehan nga guba na ang kudal sa likod nga bahin sang iya balay.


Nakibot siya suno kay Melinda sang iya natukiban nga wala na sa kurong ang tatlo niya ka mga inugbulang nga manok nga nagabalor sang kapin P5 mil pesos ang isa ukon kabug-usan nga P15 mil pesos.

Nagapati si Cordero nga hungod ginkawat ang iya mga manok sang suspek ukon mga suspek bangud gin-guba ang iya kudal./Bacolod GameFowl Breeder photo

Facebook Comments