GINKUOT ANG BULSA | Naganahan sa paghuluhurikap sang chika, isa ka libo nadula

588

BACOLOD CITY – Nagpangbiktima na naman ang mga ginasiling “hiram girls” sa Bacolod City Public Plaza sini gid lamang nga kaagahon. Ang biktima gapatawag lang kay Jake, 43 anyos ang edad kag pumuluyo sang Brgy. Mansilingan Bacolod City. Suno sa biktima nga mg alas 2 kaina sang kaagahon samtang nga ini siya ang nagalakat sa kilid sang Bacolod City public plaza, may tatlo ka mga babayi nga nagpalapit sa iya. Ginpahayag sang biktima nga ginpamangkot siya sang amo nga mga suspek kon bala luyag niya magkuha sang chicks kadungan sa paghiram-hiram sa iya lawas. Lipod sa ihibalo sang biktima nga samtang ini siya ang ginahurikap sang amo nga mga babayi, ginakuot na gali ang iya bulsa. Bangud sini, natigayon gid nga makuha sang mga suspek ang isa ka libo ka pesos nga kwarta sang biktima. Nagdagon dagon na gid lamang kadto sa Police Station 1 si Jake kag nagpa blotter./dyHB BACOLOD Tags: Visayas, dyhb, Bacolod

Facebook Comments