GINLABO ANG GUARDHOUSE, GUWARDYA | Guwardiya ginsulong sang mag-utod nga nagbitbit binangon

BACOLOD CITY – Ginsulong sang mag-utod mga may bitbit talibong ang gwardiya sang isa ka subdivision sa Brgy. Taculing, Bacolod City kagab-i.

Nakilala ang security guard nga si Michael Benteroso, 21 anyos ang edad, gwardiya sang Rosario Heights Subdivision, Brgy. Taculing, ciudad sang Bacolod.

Suno sa biktima nga may mga las 7:50 kagab-i, samtang nga ini siya ang naga duty sa guardhouse sang amo nga subdivision, ginsulong ini sang mag-utod nga sanday Noel Amodia, 42 anyos ang edad kag Christian Amodia, 41 anyos tanan pumuluyo sang amo nga lugar.


Pahayag sang gwardiya nga sa pag-abot sang mag-utod sa guardhouse, ini sila ang nagsinggitan nga “ ari na kami guard” kag gilayon nga ginlabo ang guardhouse kag ginbuko man nga labuon ang gwardiya.

Bangud sang amo nga insidente, ang biktima nag-angkon sang pilas sa iya tuo nga kamot gani ini ang nagpadulong sa Police Station 6 agud magpa-blotter./dyHB BACOLOD

Facebook Comments