BACOLOD CITY – Gindala sa ospital ang isa ka lalaki matapos nga ini siya ang ginlabo mismo sang iya asawa bangud sang paglinalisay Lunes sang gab-i sa Brgy. Vista Alegre, ciudad sang Bacolod.
Ang biktima ginkilala kay Randy Quiatco, 42 anyos ang edad, pumuluyo sang Purok Gonzaga, Brgy. Vista Alegre, Bacolod City.
Suno kay Randy nga may mga las 8:30 sang gab-i sadtong Lunes, ini sila ang naglalisay sang iya asawa sa sulod man lamang sang ila balay.
Nakibot na lamang siya suno sa biktima sang ini ang ginlabo sang iya asawa nga ginkilala kay Bernadeth gamit ang binangon.
Nag-angkon sang pilas sa iya agtang ang biktima tuga sang amo nga paglabo gani ini ang gindala sa Corazon Locsin Montelibano Memorial Regional Hospital.
Wala pa natumod ang rasun kon ngaa nga nahimo gid ni misis ang paglabo sang sila naglalisay./dyHB BACOLOD
