GINLABU | Babaye, ginlabu ang iya live in partner matapos ginsunlog nga baho iya ilok

Ginlabu sang isa ka babaye ang iya live-in partner sa Barangay San Jose, Molo matapos ginsunlog siya sini nga baho iya ilok nga daw kaangay nga nagasipit sang bayabas.

Nakaangkon sang pilas sa ulo kag kamot ang biktima nga ginkilala lamang kay alyas Naldo matapos lab-on sang iya live-in partner nga si alyas Jona.

Sa imbestigasyon sang Molo PNP, ginpahayag nga naakig si alyas Jona sang ginsunlog siya sang lalaki nga baho ilok kag daw nagasipit sang bayabas kabangdanan nagkuha ini sang binangon kag ginlabu.


Gilayon man nga gindala sa ospital ang lalaki samtang samtang madasig naman nga nagpalagyo ang babaye kasunod sang nasambit nga insidente.

(c) web photo

Facebook Comments