GINLAMPUSAN BANGKO | Estudyante ginlampusan bangko samtang nagapungko sa canteen

BACOLOD CITY – Imbukada pa lang sang balik-eskwela, isa na ka estudyante sa high school ang nalampusan bangko sa sulod mismo sang eskwelahan kahapon sang aga sa Negros Occidental High School (NOHS).

Ang biktima isa ka 14-anyos nga estudyante nga lalaki sang amo nga eskwelahan.

Suno sa pagpangusisa, may mga las 10:45 kahapon sang aga, ang biktima ang yara sa canteen sang amo nga buluthuan sang ini siya ang ginpalapitan sang suspek nga indi nya man kilala.


Nakibot na lamang ang biktima sang ini ang hinali nga ginlampusan sang bangko sang amo nga lalaki.

Bangud sini, nag-angkon sang samad sa iya ulo kag abaga ang estudyante gani gindala sa Corazon Locsin Montelibano Memorial Regional Hospital.

Sa karon gina-usisa na sang mga utoridad kon bala ano ang motibo kon ngaa ginlampusan ang amo nga estudyante./Sab Benueza photo

Facebook Comments