Roxas City, Capiz- Isa ang kritikal samtang duha ang pilason sa nagluntad nga kinagamo sa bilasyon sa Brgy. Nagsulang banwa sang Dumarao alas 9:30 sang gab-e.
Pilas sa lawas ang naangkon sang biktima nga si Regalado Palsario samtang pilas man sa nawala nga kamot ang naangkon sang asawa sini nga si Rosemarie Palsario y Palma.
Nagaguha sa imbestigasyon sang mga kapulisan sang Dumarao nga nagahampang sang sugal si Regalado sa haya sang iloy ni Alan Floro.
Ini ang nagtuga sang gamo rason nga gintambagan kag ginpahipos ni Alan Floro apang mangin ini ang ginbuno sa paa ni Regalado Palsario.
Diri nagpangunapin ang magulang nga si Eliseo Floro paagi sa pagkuha sang wala mapahayag nga sahe sang armasluthang kag gilayon nga ginluthang ang biktima nga sa subong ang kritikal sa isa ka ospital diri sa syudad sang Roxas.
Samtang ginpangdangat man sa Dao District Hospital sanday Alan Floro kag Rosemarie Palsario.
Matapos ang krimen, madasig naman nga nagpalagyo ang suspek nga si Eliseo Floro samtang padayon pa ang dugang nga imbestigasyon sang mga kapulisan sa amo nga insedente.
